ELEZAHARRETAKO AUTOMOBILAK

Garai bateko automobilek historiako errepidean zehar bidaiatzeko aukera ematen digute, motordun ibilgailu modernoen bilakaera nolakoa izan den jakiteko. Hasieran, barne-errekuntzako motor zaratatsuek bultzaturiko gurdiak baino ez ziren, eta, jakina, zaldiek ez zituzten jada arrastaka eramaten (nahiz eta ez zen harritzekoa azken hauengana jo behar izatea automobil matxuratuak tailerrera eramateko). Handik gutxira, kutxa metaliko haiek, sarritan beltzak, mekanika eta ibilgailuko bidaiariak babesteko prest zeudenak, forma leunagoak izaten hasi ziren, baita eskulturalak ere. Hasierako modeloetatik "gurpil gaineko edertasun berrietara" igarotzeko trantsizio-aldi baten ondoren, automobilean egiten dugun ibilbidea azkarragoa izango da, eta ibilgailu esanguratsuenei erreparatuko diegu, bai estetikagatik, bai berrikuntza teknologikoaren mailagatik, bai biengatik, horiek izan baitziren gaur egun gidatzen ditugun automobilen garapenerako bidea erraztu zutenak. Amaitzeko, etorkizuna aztertuko dugu, oso urrun ez dagoen egun batean etxeko atean zer ibilgailu mota izango dugun jakiteko.

Produktu honen izaera dela eta, itzulketak ez dira onartzen